Договор публичной оферты

Осы құжат - «KAZGOR» жобалау академиясы» ЖШС-ның (бұдан әрі - «Сатушы») айқындалмаған адамдар тобына тауарларды NORMY.kz сайты (бұдан әрі - «Сайт») арқылы төменде баяндалған шарттармен қашықтан сату шартын жасасуға арналған жария офертасы.

Қазақстан Республикасының Азаматтық кодексіне (бұдан әрі - ҚР АК), Қазақстан Республикасының «Тұтынушылардың құқықтарын қорғау туралы» Заңына және Қазақстан Республикасының «Сауда қызметін реттеу туралы» Заңына сәйкес Сайтта «Тапсырысты ресімдеу», «Төлеу» батырмасын басу немесе Сатушы шығарған шотты төлеу Сатып алушының осы шарт талаптарын толық және сөзсіз қабылдау сәті (офертаны қабылдау) болып саналады. Сайтта орналастырылған қызметтер туралы ақпарат тек танысу үшін беріледі және ол қызметтерді үшінші тұлғалар көрсетеді. Сатушы үшінші тұлғалардың әрекеттері үшін жауап бермейді.

1. Анықтамалар

1.1. Тауарлар – Сайтта көрсетілген кез келген тауар.

1.2. Сатып алушы – Тауарды сатып алу мақсатында осы офертаны қабылдайтын жеке немесе заңды тұлға.

1.3. Тапсырыс – Сатып алушының Сайт арқылы ресімдеген Тауарларды сатып алу сұранысы.

2. Шарттың мәні

2.1. Сатушы Сайттағы Тапсырыста ресімделген Тауарларды Сатып алушының меншігіне беруге, ал Сатып алушы сол Тауарларды осы Шарттың талаптарына сәйкес қабылдауға және төлеуге міндеттенеді.

2.2. Тауарларды төлеу, жеткізу, қайтару шарттары, олардың сипаттамалары, сондай-ақ Сайтта орналастырылған өзге ақпарат осы Шарттың ажырамас бөлігі болып табылады.

3. Тапсырысты ресімдеу тәртібі

3.1. Сатып алушы тапсырысты Сайтта өзбетінше ресімдейді.

3.2. Тапсырысты растамас бұрын Сатып алушы Сатушыдан Тапсырыс деректерін, Тауардың қолжетімділігін, жеткізу құны мен шарттарын нақтылауға құқылы.

3.3. Тапсырысты растау Сатып алушыға электрондық поштаға, телефонға немесе мессенджерге жіберіледі.

4. Баға мен төлем тәртібі

4.1. Тауарлар бағалары Сайтта теңгемен көрсетілген және егер Сайтта өзгеше көрсетілмесе, Қазақстан Республикасының заңнамасында көзделген барлық салықтарды қамтиды.

4.2. Сатып алушы Тауарларды келесі тәсілдердің бірімен төлейді:

• Тауарды алғаннан кейін қолма-қол ақшамен;
• Kaspi.kz-тің қашықтағы шотына қолма-қол төлемсіз;
• банктік аударым арқылы;
• BCC жүйесі арқылы банк картасымен.

4.3. Сатушының есеп шотына ақша қаражатының түсуі немесе Сатушының төлем жүйесінен төлемнің расталуын алуы Төлем сәті болып есептеледі.

5. Тауарларды жеткізу және беру

5.1. Алматы қаласындағы Тауарларды жеткізуді Сатып алушының курьері жүзеге асырады немесе Сатып алушының өзі алып кетеді. Қазақстан Республикасының басқа өңірлеріне тасымалдаушы компаниялар немесе пошта қызметтері арқылы жеткізіледі. Жеткізу мерзімдері мен құны қосымша нақтыланады.

5.2. Жеткізу құны жеке есептеледі және Тапсырысты төлегеннен кейін Сатып алушыға хабарланады.

5.3. Тауардың кездейсоқ жоғалу немесе зақымдану қаупі Тауар тасымалдаушыға немесе Сатып алушыға берілген сәттен бастап Сатып алушыға өтеді. Меншік құқығы Тауар берілген сәттен бастап Сатып алушыға өтеді.

6. Тауарларды қайтару

6.1. Сатып алушы тауардың тауарлық түрі, тұтынушылық қасиеттері, фабрикалық заттаңбалары, пломбалары, орауыштары, сондай-ақ төлемді растайтын құжаты сақталған жағдайда, тауарды алған күннен бастап 3 күнтізбелік күн ішінде тиісті сападағы тауарды қайтаруға немесе айырбастауға құқылы («Тұтынушылардың құқықтарын қорғау туралы» заңның 25-бабы).

6.2. Қайтаруға және айырбастауға болмайтын тауарлардың тізбесі Қазақстан Республикасы Үкіметінің 2015 жылғы 19 қаңтардағы № 19 қаулысымен анықталады.

6.3. Кепілдік мерзімі ішінде Тауардан кемшіліктер анықталған жағдайда Сатып алушы «Тұтынушылардың құқықтарын қорғау туралы» заңның 30-бабында көзделген талаптарды қоюға құқылы. Шағымдарды беру тәртібі Сайттағы Қайтару саясатында көрсетілген.

6.4. Ақша қаражаттарын қайтару Қазақстан Республикасының заңнамасында және Сайтта орналастырылған Қайтару саясатында белгіленген мерзімдерде төлем жасалған әдіспен жүзеге асырылады.

7. Қызметтер

7.1. Сайттағы қызметтердің сипаттамасы тек танысу үшін орналастырылған. Қызметтерге тапсырыс беру үшін «Қызметтер» бөлімінде көрсетілген байланыс нөміріне хабарласыңыз.

8. Кепілдіктер мен жауапкершілік

8.1. Тауарларға кепілдік мерзімін өндіруші белгілейді.

8.2. Сатушы:

• Сатып алушы өзбетінше дұрыс таңдамаған жағдайда тауарлардың оның жабдығымен сәйкес келмеуіне;
• Сатып алушының пайдалану, сақтау немесе тасымалдау ережелерін бұзуынан тауарларға зақым келтірілуіне;
• тасымалдаушының кінәсінен жеткізудің кешіктірілуіне жауапты емес.

8.3. Шарт бойынша міндеттемелерді толық немесе ішінара орындамау Шарт жасалғаннан кейін туындаған төтенше оқиғалар нәтижесінде дүлей күштер жағдайларының (форс-мажор) салдарынан болса, Тараптар жауапкершіліктен босатылады.

9. Құпиялық және дербес деректер

9.1. Сатып алушы өзінің дербес деректерін бере отырып, Қазақстан Республикасының «Дербес деректер және оларды қорғау туралы» Заңына сәйкес оларды Сатушының шартты орындау мақсатында өңдеуіне келіседі.

9.2. Сатып алушы дербес деректерді өңдеуге келісімін қайтарып алуға құқылы.

10. Дауларды шешу

10.1. Осы шарттың орындалуына байланысты Тараптар арасында туындайтын даулар мен келіспеушіліктер келіссөздер арқылы шешіледі.

10.2. Келіссөздер арқылы келісімге қол жеткізілмеген жағдайда дау Қазақстан Республикасының заңнамасына сәйкес Сатушы тұратын жердегі соттың қарауына жіберіледі.

11. Шарттың қолданылу мерзімі, өзгертілуі және бұзылуы

11.1. Шарт Сатып алушы офертаны қабылдаған сәттен бастап күшіне енеді және тараптардың міндеттемелерін толық орындағанға дейін қолданылады.

11.2. Сатушы оферта шарттарын бір жақты түрде өзгертуге құқылы. Өзгерістер жаңа редакция Сайтта жарияланған сәттен бастап күшіне енеді.

12. Сатушының деректемелері

«KAZGOR» жобалау академиясы» ЖШС

Қазақстан Республикасы, Алматы қаласы, 050000,

Абылай хан даңғылы, 81,

Тел. +7 727 258 85 75,

E-mail:  info@kazgor.kz

Алматыдағы «Банк Центр Кредит» АҚ

ЖСК KZ588560000000004187

БСК KCJBKZKX

БСК 031240000986

KБE 17, КНП 859

Бірінші вице-президент

_________________ М.Ж. Жаманқұлов

 е-mail: info@kazgor.kz

Сатып алушы Сайтта орналастырылған осы шарттың талаптарымен танысқандығын, оларды түсінетінін және сөзсіз қабылдайтынын растайды.